Alumnado de 1º de Bacharelato, en plena actividade, amosa as súas artísticas creacións na TERRAZA DA BIBLIOXÚN.
Estamos encantados/as de que a profesora Blanca e o seu alumnado participara no equipo da biblioteca, no desenvolvemento do tema eixo "UN MUNDO DE ÁRBORES" e dera vida ás paredes brancas da terraza, que, pouquiño a pouco, vai collendo cor para desfrute de toda a comunidade escolar.
Noraboa, artistas!!
Alumnado de 1º de ESO, no ámbito dunha actividade da clase de Plástica (organizada pola profesora Inés) e arredor do tema eixo deste curso ("Un mundo de árbores"), fixo unha exposición moi colorida e atractiva no Parnasillo. Xogaron coas simetrías e a combinación de cores e quedou todo espectacular.
A natureza invade o noso espazo de follas e animais como nunca se vira!!
Sempre nos gusta gozar do traballo do alumnado do noso centro!!
¡Biblioteca creativa!
Hoxe tivemos charla na biblioteca. Asistiron alumnos e alumnas de grupos de ciencias tanto de 4º de ESO como de 1º de Bacharelato. O relator foi Claudio Quintillán, que nos veu falar das ÁRBORES DE GALICIA.
A continuación, saímos ao patio e plantamos una árbore, concretamente un "pradairo", adecuado á terra húmida que temos no noso centro, que foi unha xunqueira no seu tempo.
Tamén bautizamos á árbore, e puxémoslle de nome CHAN, por que? Porque foi o alumno de 1º de Bacharelato, Chan, quen cavou a terra para logo plantar esta árbore. Podédelo ver nas fotos abaixo.
E non rematou aí a cousa: un rapaz e unha rapaza leron un poema en galego de María Reimóndez, que tiña como motivo poético a árbore, e un fragmento do novo libro, recén mercado na biblioteca, de El hombre que plantaba árbores, de Jean Giono. Podedes ver os vídeos na páxina de Instagram!!
Foi un acto moi emotivo, que rematamos todos dándonos as mans e facendo un corro arredor da árbore. Encantounos, igual que o día tan bonito que nos saíu.
