DÍA DO LIBRO

Este ano non houbo moito tempo para celebrarmos como tal o DÍA DO LIBRO, porque a Semana Santa caeu algo tarde, de todos o xeitos xa sabedes que os libros celebrámolos todos os días na nosa biblioteca e fomentamos a lectura por canto recuncho hai. 

Para celebralo, pois, recollimos obras de interese que reflexionaran e fomentaran o pracer e as vantaxes de ler, novelas sobre bibliotecas, librerías e mesmo animais lectores! 

As mesiñas cuquis da nosa Biblioxún enchéronse de libros e tamén deixamos un espazo en cada unha delas para recoller as vosas recomendacións lectoras...

Para finalizar, por suposto, no panel do Parnasillo manifestamos a nosa especial mención e recoñecemento ao PREMIO CERVANTES do 2024, ÁLVARO POMBO. 

Alá no fondo, unha colaboradora moi especial na bibloteca:
CARLOTA ÁLVAREZ, alumna que estivo este ano desenvolvendo
as prácticas do MÁSTER DE PROFESORADO no Departamento de Lingua Castelá.

DÍA INTERNACIONAL DO LIBRO (23 DE ABRIL)

Durante toda esta semana e a seguinte celebraremos a festa máis importante para a Biblioteca, a que lle da razón de ser: o DÍA INTERNACIONAL DO LIBRO!!

• O seguinte VÍDEO foi proxectado durante todo o Día do Libro na Biblioteca para lembrarlle ao alumnado a importancia desta celebración:

• O luns 22 VISITOUNOS A AUTORA IRIA MISA e posteriormente alumnado do Club de Lectura A esmorga fíxolle unha ENTREVISTA NA RADIO!!

• A BIBLIOSUXESTIÓN LECTORA e as nosas MESIÑAS CUQUIS non podían faltar:

Eu tamén recibín agasallo do Día do Libro!!

• Propuxemos a todo o profesorado que participara na recopilación de PODCASTS de RECOMENDACIÓNS E EXPERIENCIAS LECTORAS. Este ano creouse para a RADIO un novo espazo no Parnasillo e levouse a cabo un Curso de Formación do Profesorado no que aprendimos a usar este instrumento tan importante e eficaz para o desenvolvemento das nosas clases. 

• Remitimos ao blog da biblioteca para acceder á ligazón de IVOOX, onde está aloxada a RADIO RA e as recomendacións que se vaian facendo. 

• Parte do expurgo, que continuamente facemos na biblioteca, aproveitouno o alumnado de 1º de Bacharelato para RECICLAR e CREAR OBRAS DE ARTE magníficas. Grazas, Blanca, profesora do Departamento de Debuxo, por organizar esta actividade tan fermosa!

 

• "SENTIMENTARTE: A VISIÓN CREATIVA A TRAVÉS DUN POEMA" foi tamén un proxecto precioso para o Día do Libro, organizado polos Departamentos de Lingua castelá e Literatura (profesora Cristina) e o Departamento de Debuxo (profesor Joaquín). Neste proxecto alumnado de 2º de ESO escollía e lía un poema, e alumnado de 1º de Bacharelato ilustraba dous dos poemas seleccionados e a continuación explicaban a técnica empregada, a forma e o significado da creación artística correspondente. Interesantísimo!! Aprendemos moito con estes rapaces e rapazas!