"ARTRÓPODOS MUTANTES E OUTROS BICHOS"

"ARTRÓPODOS MUTANTES E OUTROS BICHOS" é a nova exposición que fixeron alumnos e alumnas de 1º de Bacharelato na asignatura de VOLUME, que imparte a profesora Blanca. 

Fixádevos que todos os animais están feitos con materiais reciclados!! E os nomes que teñen son espectaculares!! 

Podíase empregar caquera tipo de material reciclado (plásticos, paraugas, cables, etc...). O alumnado, por parellas, tiña que crear un insecto. Algúns repetíronse pero cada quen deulle a súa particular visión e así houbo arañas, bolboretas, abellas, mantis, medusas... O traballo ía acompañado dunha memoria explicativa.

Como vedes, trátase dunha nova actividade arredor do noso tema eixo deste ano, A NATUREZA!!

Visitade a biblio, xa veredes como vos gusta!

ARTRÓPODOS MUTANTES E OUTROS BICHOS

LAMPYRIDAE VOLANT

PLASTICÓPTERA

MANTODEA PLASTIC

CORNU ASPERSUM

CLEOPATRA COLEÓPTERA

BABYLON

MANTIS CHAN

ATROPO DANAUS

BOLAE SENTIMENTIS

TAUMATOPIS PITOCAMPA

ARACNAUM DIMERDEM

UN FICCIONARIO NA BIBLIO!

A profesora Carlota, de Francés, animou ao seu alumnado de 1º de ESO a facer este traballo tan orixinal:

Un ficcionario!!

Cada alumno inventou un novo obxecto de clase. Logo tiveron que debuxalo e definilo. Por suposto, todo en lingua francesa! 

Está exposto na biblioteca para que lle votedes unha ollada cando queirades. 

FELIZ NADAL, BIBLIOLECTORES/AS!

Boas festas, feliz ano novo... 

...a BIBLIOSUXESTIÓN LECTORA Nº 7...

...un conxunto de suxestións interesantísimas de Armando Requeixo, á que nos achegou a profesora Lorena de Galego...

...e xa sabedes: RELAX PARA ESTAS VACACIÓNS DE NADAL!!! 

Ilustración de Eva Armisén

"AS CORES DO OUTONO"

Xusto antes de irse de vacacións de Nadal, apareceron estas folliñas caendo polas escaleiras do noso centro...

É un traballo feito polo alumnado de 1º de ESO, na clase de Debuxo, e guiado pola profesora Blanca, colaboradora da Biblioteca. O alumnado tiña que realizar o debuxo dunha folla (os alumnos encargáronse de buscar follas de diferentes cores, formas e tamaños) e despois mediante pinturas acuarelables dábanlle cor, intentando imitar os seus tons.

Foron os mesmos rapaces e rapazas que fixeron o cartel sobre igualdade da biblioteca. Dádesvos conta? Ide velo tamén!

Encántanos que a natureza nos chegue por todas partes!!

NOVO CARTEL NA BIBLIO: "Respecto é igualdade. Igualdade é respecto"

Alumnado de 1º da ESO, coordinados pola profesora Blanca, de Debuxo, elaborou este magnífico mural para conmemorar o DÍA INTERNACIONAL DA NON VIOLENCIA CONTRA A MULLER. Deixarémolo moito máis tempo na biblio, porque a mensaxe encaixa moi ben co lema xeral das bibliotecas escolares deste ano, ademáis de servir para moitos outros contextos de respecto, de igualdade, de coeducación...