14 outubro 2019

DÍA DAS ESCRITORAS. IV EDICIÓN: MULLERES, AMOR E LIBERDADE








http://diadelasescritoras.bne.es

O DÍA DAS ESCRITORAS é unha conmemoración promovida pola Biblioteca Nacional de España xunto á Federación Española de Mujeres Directivas, Ejecutivas, Profesionales y Empresarias (FEDEPE) e a Asociación Clásicas y Modernas. 

Desde 2016 búscase reivindicar o labor e o legado das autoras a través da historia a partir da lectura de fragmentos representativos das súas obras.

Esta celebración lévase a cabo o luns máis próximo á festividade de Teresa de Jesús, o 15 de outubro. 

A IV edición celébrase este ano 2019 o 14 de outubro baixo o lema “Mulleres, amor e liberdade”. O amor entendido desde a perspectiva das mulleres: “un territorio amplo, complexo, contradictorio, laberíntico, atravesado por luces e sombras, grandes paixóns, mais tamén as coitas”, como explica Clara Sanchís, comisaria desta convocatoria.

*********************************************************************************

Desde a BIBLIOTECA DO IES A XUNQUEIRA I propoñemos un plan lector para toda a semana, de feito, falaremos mellor da SEMANA DAS ESCRITORAS.

Levaremos a cabo dous eventos:

1) A visibilización da obra dun conxunto de obras de escritoras galegas a través dun ITINERARIO LECTOR que una en fío ditas obras. (DURANTE TODA A SEMANA)

2) Un RECITAL POÉTICO levado a cabo por un grupo de alumnos e alumnas de 2º de Bacharelato E, e que nesta ocasión xira en torno a Delmira Agustini, autora que por primeira vez desde este ano está incluida no temario proposto pola CIUG na asignatura de Lingua Castelá e Literatura. (VENRES 18 NO RECREO)

Ambas actividades encaixan perfectamente no lema deste ano, "MULLERES, AMOR E LIBERDADE": 
  • Delmira Agustini, como reivindicadora da expresión das pulsións amorosas e sexuais da muller, na poesía do Modernismo; 
  • e as autoras galegas, porque cada unha no seu xénero, defendeu ou defende a liberdade da muller en tantos ámbitos. 
Animámosvos a ler e a gozar da lectura!















***************************

O día 18 de outubro, tal e como estaba previsto, fixemos unha lectura de poemas dunha muller, poeta ubicada no contexto do Modernismo hispano, DELMIRA AGUSTINI

A maneira que tivo esta escritora de buscar unha nova voz poética que dese luz ao interior feminino e á súa particular visión da realidade amorosa, nun mundo de homes, nunha sociedade nada afeita a que unha muller se presentase como suxeito e non coma obxecto amoroso, é perfecta para protagonizar este RECITAL POÉTICO que alumnos e alumnas de 2º de Bacharelato elaboraron para todos nós. 

Noraboa aos participantes, fixéronno moi ben!!






Os alumnos e as alumnas agardan a que comece o RECITAL POÉTICO


A profesora Julia, eu,  fai a presentación do evento...


Sara fai unha semblanza de DELMIRA AGUSTINI

Abril le...
Aarón le "La musa gris".

Teo le...

Evelyn le...

Valeria le...

Alba le...

Mónica le...

Adrián le...
Foi un pracer escoitarvos!!!