VÍDEO "MIRADAS REVELADORAS E FLORES"

Preme nesta ligazón para ver o vídeo!

CIANOTIPIAS NO PARNASILLO

(ACTIVIDADES DE BIBLIOTECA CREATIVA, PROXECTO DOCUMENTAL INTEGRADO, INTERDISCIPLINARIEDADE) 

De novo desde o Proxecto Competencial, o alumnado participa na temática proposta pola Biblioteca, "Miradas reveladoras: o audiovisual na biblioteca". 

Nesta ocasión é a CIANOTIPIA e a FOTOGRAFÍA, de cuxos pasos nos informan nun cartel exposto no Parnasillo e nos dan conta do que se pode facer a partir desta técnica. 

Fixádevos!!

Videoconferencia: "QUE É E POR QUE É TAN IMPORTANTE O PROXECTO XENOMA GALICIA E QUE BENEFICIOS VAI TRAER?"

Hoxe 25 de novembro temos unha visita virtual de D. ÁNGEL CARRACEDO ÁLVAREZ, Licenciado en Medicina pola Univesidade de Santiago de Compostela (1978) e Doutor en Medicina pola mesma USC (1982), ambos con premio extraordinario.

Catedrático de Medicina Legal desde 1989 e Director do Instituto de Medicina Legal da USC (desde 1994 ata 2012). Director da Fundación Pública Galega de Medicina Xenómica (desde 1999), Director do Centro Nacional de Genotipado-ISCIII (desde 2002). Xefe de grupo do CIBER de enfermidades raras (CIBERER) e do Instituto de Investigación Sanitaria de Santiago de Compostela (IDIS). O grupo de Medicina Xenómica que coordina consta de 10 grupos de investigación, varias plataformas tecnolóxicas e arredor de 100 persoas.

Ten publicado 12 libros e máis de 600 artigos en revistas internacionais (SCI) incluíndo artigos en Nature, Science, Nature Genetics, ademais de nas principais revistas de xenética médica, cancro e medicina forense. 

O alumnado da Modalidade de Ciencias acode a esta conferencia organizada polo departamento de Bioloxía e que se leva a cabo desde a Biblioteca...

ACTIVIDADES 25 N: "Miradas empáticas"

(ACTIVIDADE RELACIONADA COA BIBLIOTECA CREATIVA, A INTERDISCIPLINARIEDADE, O PROXECTO DOCUMENTAL INTEGRADO)

"Miradas empáticas" é un proxecto artístico realizado polo alumnado de 2º de ESO na materia de Proxecto Competencial. Relaciónase coa temática proposta este curso pola biblioteca, "Miradas reveladoras". Trátase o tema da violencia de xénero desde diversos puntos de vista, facendo fincapé na mirada da sociedade sobre as vítimas. 

A partir do visionado de varios vídeos (de violencia psicolóxica, física, micromachismos, roles de xénero...) e posteriores debates en clase, o alumnado eleabora tres traballos:

-un retrato colectivo artístico en equipos, coa técnica do colaxe, sobre como inflúe a mirada da sociedade en dita problemática;

-un autorretrato individual artístico sobre a opinión persoal complementada cos debates establecidos na aula;

-unha instalación artística/photocall para conmemorar o 25 de novembro: máscaras intervidas para que alumnado e profesorado se fotografiaran poñéndose na pel das vítimas da violencia de xénero. 

A instalación conformábase coa interacción do publico que, tras ser fotografiado coa cámara Polaroid, aportaba a súa imaxe instantánea á motaxe, deixaba a súa "pegada empática" ao pórse as máscaras e ao situarse enriba dunha silueta de muller tirada no chan. 

ACTIVIDADES DO 25 N: "NO IES A XUNQUEIRA I DÁMOSLLE AS COSTAS Á VIOLENCIA MACHISTA".

(ACTIVIDADE RELACIONADA COA BIBLIOTECA CREATIVA, A INTERDISPLINARIEDADE, A CONMEMORACIÓN DE DATAS SIGNIFICATIVAS)

Pode verse un video máis detallado das camisetas 

en Instagram: buscade @biblioxun !!

Alumnado de 2º de ESO, nas clases de Titoría, conmemorou esta data tan especial colaborando no mural que a Biblioteca e o Equipo de Igualdade preparou no corredor, que levaba por título "NA XUNQUEIRA I DÁMOSLLE AS COSTAS Á VIOLENCIA MACHISTA". 

A partir da ilustración dunha rapaza posta de costas e vestida con camiseta branca, a rapazada deseñou o debuxo desta prenda, lembrando este día, recordando ás mulleres que xa non están, animando á cidadanía a ser máis conscientes da existencia deste problema, reforzando actitudes positivas... 

ACTIVIDADES 25 N: "O machismo vese claro... cando enfocas. E ti, velo?"

No noso centro, desenvolvemos actividades dentro da materia de Proxecto Competencial, no ámbito do Departamento de Debuxo e tamén grazas ao Equipo de Igualdade, e obtemos traballos tan interesantes coma estes... 

Nós si que vemos o machismo claramente, nós estamos coas vítimas, nós rexeitamos a violencia, nós reivindicamos este día e non calamos o resto do ano... 

Grazas ao alumnado que traballa tanto e transmite tanto... 

Todo está nos corredores do centro e no Parnasillo, e por suposto, dentro do Tema Eixo de "Miradas reveladoras":