CEA VEGANA. Instalación artística.

(ACTIVIDADE RELACIONADA COA BIBLIOTECA CREATIVA, A DIFUSIÓN DE TEXTOS LITERARIOS, E A COMPETENCIA LINGÜÍSTICA)

Alumnado de 1º D do Bacharelato de Artes, organizado no ámbito dos Departamentos de Inglés e Debuxo,  expuxeron no corredor do centro una "Cea vegana" cuns invitados moi coñecidos: Mary Shelley, Edgar Allan Poe, Lord Byron e Anxel Fole. 

Nesta instalación non só había esculturas terroríficas en cada un dos pratos, senón que se escoitaban textos dos autores/a, lidos en inglés ou en galego polo propio alumnado. Adiviñades de onde sacaron os textos? Da Biblioteca, por suposto!! Podedes escoitalo na nosa conta de Instagram!

Quedou xenial!!

ENTREGA DE PREMIOS: Concurso de microrrelatos de terror baseados en imaxes.

 (ACTIVIDADE RELACIONADA COA CREACIÓN LITERARIA E COA DIFUSIÓN DA CULTURA DESDE AS BIBLIOTECAS)

Así foi a entrega de premios aos mellores microrrelatos de terror baseados en imaxes: 

BIBLIOTECA CREATIVA: HALLOWEEN ZINES!

(ACTIVIDADE RELACIONADA COA BIBLIOTECA CREATIVA E A BIBLIOTECA COMO LUGAR DE COÑECEMENTO)

Alumnado de 1º de Bacharelato organizou, coa supervisión do Departamento de Inglés, unha exposición de ZINES, que son pequenos libriños coa temática de Halloween no que poñen en práctica o seu dominio da lingua inglesa e as súas facultades artísticas, que son moitas!! 

DÍA DE DEFUNTOS, DÍA DE TODOS OS SANTOS, SAMAÍN, HALLOWEEN...

(ACTIVIDADE RELACIONADA COA PROMOCIÓN DA LECTURA E A BIBLIOTECA COMO LUGAR DE COÑECEMENTO)

A biblioteca pon a disposición da comunidade educativa lecturas acordes coa festividade de Defuntos, neste caso con dous obxectivos:

1) levar lecturas coa temática do medo, do terror, de mortes, de lendas de Galicia, etc. para as vacacións (BIBLIOSUXESTIÓNS LECTORAS); 

2) ou ofrecer modelos de composición narrativa para o concurso de MICRORRELATOS DE TERROR que se organizou este ano. 

Xa sabedes que en KOHA temos a LISTA correspondente a esta temática, para cando gustedes...

CONCURSO DE MICRORRELATOS DE TERROR BASEADOS EN IMAXES!!

(ACTIVIDADE RELACIONADA CO FOMENTO DA CREACIÓN LITERARIA)

Este ano temos CONCURSO DE MICRORRELATOS basados en IMAXES!!

Lede ben as bases e participade!! 

O premio son entradas de cine para ir ver durante a ponte de Todos os Santos!!

CONCURSO DE CARTEIS DE PELÍCULAS DE MEDO

Hoxe, na biblioteca, foi a entrega dos premios do CONCURSO DE CARTEIS DE PELÍCULAS DE MEDO entre o alumnado de 1º de Bacharelato. 

Sabedes que levaron de premio?? UNHAS ENTRADAS DE CINE para ir nestes días a celebrar o Halloween!! 

Non pensades que é un planazo?? 

Trick or treat??? 

CONCURSO DE RELATO CURTO DE TERROR

Hoxe, na biblioteca, entregamos os premios do CONCURSO DE RELATO CURTO DE TERROR, que este ano leva a temática de "Un mundo de árbores". De árbores de medo, claro!!!!

Sabedes que levaron de premio?? UN VALE DE 30 EUROS para mercar o LIBRO QUE MÁIS LLES GUSTE na LIBRARÍA "EL PUEBLO"!!! Que vos parece?? Estupendo, verdade? 

Grazas a todos e a todas por participar!!

Os gañadores e gañadoras do CONCURSO DE RELATO CURTO DE TERROR son:

1º ESO:

Anxo Portela Ferreirós (1º B) 

    Relato en lingua galega titulado "A árbore andante". A incrible historia dun científico de Viveiro nunha orixinal combinación de distintos tipos de texto dentro dunha narración principal.

2º ESO:

Sara Allegue Freire (2º A)

    Relato en lingua galega titulado "Cinzas". Nun galego moi coidado e literario escríbese esta historia sobre cinzas e recordos familiares. 

3º ESO:

Elena Alonso Filgueiras (3º A)

    Relato en lingua castelá titulado "La sangre de las sombras". A historia desacougante dunha rapaza nun bosque aparentemente ideal.