Videoconferencia: "QUE É E POR QUE É TAN IMPORTANTE O PROXECTO XENOMA GALICIA E QUE BENEFICIOS VAI TRAER?"

Hoxe 25 de novembro temos unha visita virtual de D. ÁNGEL CARRACEDO ÁLVAREZ, Licenciado en Medicina pola Univesidade de Santiago de Compostela (1978) e Doutor en Medicina pola mesma USC (1982), ambos con premio extraordinario.

Catedrático de Medicina Legal desde 1989 e Director do Instituto de Medicina Legal da USC (desde 1994 ata 2012). Director da Fundación Pública Galega de Medicina Xenómica (desde 1999), Director do Centro Nacional de Genotipado-ISCIII (desde 2002). Xefe de grupo do CIBER de enfermidades raras (CIBERER) e do Instituto de Investigación Sanitaria de Santiago de Compostela (IDIS). O grupo de Medicina Xenómica que coordina consta de 10 grupos de investigación, varias plataformas tecnolóxicas e arredor de 100 persoas.

Ten publicado 12 libros e máis de 600 artigos en revistas internacionais (SCI) incluíndo artigos en Nature, Science, Nature Genetics, ademais de nas principais revistas de xenética médica, cancro e medicina forense. 

O alumnado da Modalidade de Ciencias acode a esta conferencia organizada polo departamento de Bioloxía e que se leva a cabo desde a Biblioteca...

25 DE NOVEMBRO, DÍA INTERNACIONAL DA ELIMINACIÓN DA VIOLENCIA CONTRA A MULLER

SPOT DO 25 N DE 2024 DO CONCELLO DE PONTEVEDRA

...................................

Este ano organizáronse varias actividades relacionadas coa reivindicación da 

NON VIOLENCIA MACHISTA no IES A Xunqueira I:

1) "Contra o muro da violencia... as palabras"

2) A árbore do Rumoroso contra a violencia machista

3) As margaridas do 25 N: Je t'aime, I love you. 

4) E na materia de Proxecto Competencial...

1) "CONTRA O MURO DA VIOLENCIA... AS PALABRAS"

Haikus contra a violencia contra a muller, elaborados todos eles por alumnado da ESO. 

Colaboran o Departamento de Debuxo e o Departamento de Galego na organización desta fermosa actividade que loce no corredor do noso centro. 

2) A ÁRBORE DO RUMOROSO CONTRA A VIOLENCIA MACHISTA

Na Biblioteca, como estes últimos anos, o Rumoroso énchese de mensaxes que a rapazada escribe nas fitas de papel de seda de cor morada. Da gusto velos! 

3) AS MARGARIDAS DO 25 N: JE T'AIME, I LOVE YOU. 

Murais reivindicativos. 

Alumado da ESO, organizado polos departamentos de Lingua inglesa e Lingua francesa, expón estas margaridas co si e o non do amor, cos bos e malos amores, opoñendo, en definitiva, o amor e a violencia. 

4) E NA MATERIA DE PROXECTO COMPETENCIAL, "SOPLÁMOSLLE AO MACHISMO"

Este ano a materia de Proxecto Competencial lévaa o Departamento de Bioloxía. O alumnado da ESO, con motivo do 25N, elaborou carteis con mensaxes para reivindicar este día. A actividade tamén se inscribe no TEMA EIXO deste ano na BIBLIOTECA, "UN MUNDO DE ÁRBORES".