FORMACIÓN USUARIOS DA BIBLIOTECA

No inicio do primeiro e e do segundo trimestre, tivemos formación de usuarios da biblioteca!!

O noso punto de partida é a CDU ILUSTRADA, 

moi sinxela de entender e moi atractiva para o noso alumnado. 

 

FORMACIÓN USUARIOS/AS DA BIBLIOTECA

Esta semana tivo lugar a formación de usarios e usuarias da biblioteca. Fundamentalmente, estaba dirixido a alumnado de 1º de ESO e a novo alumnado de 1º de Bacharelato.

Na axenda escolar deste ano tamén están os códigos qr para acceder aos distintos espazos dixitais da biblioteca e ao cartel do tema eixo deste ano, "Un mundo de árbores".

FORMACIÓN DE USUARIOS

Como cada ano a principios de curso, formamos ao alumnado de 1º de ESO para o bo uso da biblioteca escolar. 

A novidade deste ano é que cada un deles trouxo á biblioteca o seu ordenador portátil (EDIXGAL) e así o alumnado accedeu in situ ao blog da biblioteca, ao catálogo Koha, á biblioteca dixital ELBE.2 e a outros sitios que poden ser do seu interese durante o curso. 

A continuación unha mostra dunha das sesións de formación de usuarios/as: 

XORNADAS DE FORMACIÓN DE USUARIOS E USUARIAS DA BIBLIOTECA

A semana pasada comezamos a impartir a formación de usuarios e usuarias da biblioteca entre o alumnado de 1º e 2º de ESO:

As seguintes fotos mostran o ben que o pasaron os grupos de rapaces que asistiron a esta formación!!

FORMACIÓN DE USUARIOS: ESPAZOS DA BIBLIOTECA, PRÉSTAMOS E DEVOLUCIÓNS (Espazos desde o curso 18/19 ata o 20/21).

 

A Biblioteca do IES A Xunqueira I de sulunadepergamino

3º DÍA DE FORMACIÓN DE NOVOS USUARIOS

Novos alumnos e alumnas de 1º de ESO coñecendo a nosa biblioteca. Estes, en concreto, superparticipativos! Encantáronme, porque non quedaron con dúbidas dentro... ¡Así debe ser sempre!

Vémonos pola biblioteca!

2º DÍA DE PRESENTACIÓN DA BIBLIOTECA

Hoxe tivemos outros dos grupos de alumnos e alumnas de 1º de ESO, que como sempre estiveron moi atentos ás indicacións que lles demos e moi participativos. Estupendo todo!

Por suposto, hai que dar as grazas de novo á nosa alumna colaboradora, Ainhoa (4º ESO). Merece un regalo pola sua disposición! Claro que sí!

Estas son algunhas das fotos que fixemos. A ver se vos atopades!

1º DÍA DE PRESENTACIÓN DA BIBLIOTECA

Aínda que un pouquiño tarde, por fin demos comezado a FORMACIÓN DE NOVOS USUARIOS DA BIBLIOTECA.

Hoxe pasou por aquí un grupo de alumnos e alumnas de 1º de ESO, como podedes comprobar:

A actividade saíu estupendamente, sobre todo porque nos axudou Ainhoa, de 4º da ESO, que xa ten experiencia como colaboradora da biblioteca.

Mostrámoslles aos rapaces e rapazas cales eran os espazos que formaban a Biblioteca (Central, Parnasillo, Despensa do saber...), como era unha etiqueta dun libro, como podían buscar entre os estantes, as normas que debían cumprir, os espazos dixitais existentes, como se busca no catálogo  Meiga e moitas cousas máis.

Tamén xogamos a adivinar que se escondía detrás dun parágrafo borrado na folla dun libro e a buscar este nos estantes coas indicacións dadas. 

A verdade é que todos traballamos bastante. 

Esperamos volver a vervos pola biblioteca!

Os cursos de primero 1º ESO B visitan a Biblioteca

PRESENTACIÓN BIBLIOTECA O ALUMNADO DE PRIMEIRO DA ESO