SALÓN DO LIBRO 2026!!

O SALÓN DE LIBRO DE PONTEVEDRA deste ano 2026 foi motivo para o desenvolvemento de varias actividades, dentro do equipo de Biblioteca e o Club de Lectura: 

• Domingo 15 de marzo: 

• TROCA DE LIBROS: Coma todos os anos, participamos nesta magnífica iniciativa de varios centros e ANPAS de Pontevedra, que consiste en intercambiar libros usados e darlle unha segunda vida a moitas obras. 

O director e parte do equipo de Biblioteca / Club de Lectura.

Xornada de moito éxito!

• Luns 16 de marzo: 

• Xuntanza dos CLUBS DE LECTURA no Salón do Libro de Pontevedra e charla co músico Mondra.

• Martes 17 de marzo:

• Encontro do Club de Lectura Manga coas autoras de Idol, unha delas antiga alumna do noso centro, Alba Chan.

• Mércores 18 de marzo:

• O autor Nee Barros fálalles ao Club de Lectura Feminista/LGTBI+ da súa tradución ao galego da coñecidísima obra Heartstopper.

Con Orbil, a mascota do Salón

Con Mondra

Coas autoras de Idol

Con Nee Barros

TROCA DE LIBROS no SALÓN DO LIBRO

Todos os anos, dentro do SALÓN DO LIBRO de Pontevedra (este ano entre o 1 e o 17 de marzo) celébrase a TROCA DE LIBROS, evento organizado polo IES Torrente Ballester, de Pontevedra, e no que poden participar as ANPAS e os centros que queiran. 

Trátase de que os rapaces e rapazas traian libros, que serán cambiados por vales, que logo levarán á troca para escoller os libros correspondentes segundo os vales que teñan. Xúntase moitísima rapazada e de verdade que gozan desta actividade observando o que cada centro ofrece nos seus postos e pensando que poderán levar para seguir gozando coa lectura en cadansúa casa. 

Nós non podiamos perdernos estar aquí neste marabilloso evento cultural imprescindible nestas datas. 

XXIII SALÓN DO LIBRO DE PONTEVEDRA, 2022 (11-22 MARZO). CON MOITA ARTE!

Este ano o centro participou coa súa arte no XXXIII Salón do Libro de Pontevedra (https://www.salondolibro.gal/galeria/). Un grupo de alumnos e alumnas de bacharelato, guiado pola profesora Blanca, do Departamento de Debuxo, decorou o Órbil da porta principal de entrada ao Salón. 

Este foi o proceso e o resultado!! MARABILLOSO O NOSO ÓRBIL!!

Malia o tempo, que comezou algo revirado...
saíu o sol e tamén os debuxos ao estilo KEITH HARING!!

Colaborando co Salón do Libro de Pontevedra

Alumnado de 2º D de Bacharelato fixeron este fermoso traballo para a exposición na materia de deseño.