DÍA DAS LETRAS GALEGAS (17 DE MAIO)

Na Semana das Letras Galegas, a Biblioxún ofrece unha suxestión lectora no seu estante central.

Algunhas das nosas novidades para este importante día xiran en torno á figura de BEGOÑA CAAMAÑO, a autora homenaxeada este ano:

 

DÍA INTERNACIONAL DO LIBRO 2026

O xoves 23 de abril, durante o recreo celebramos na biblioteca un ano máis da nosa efeméride máis especial, O Día Internacional do Libro. Houbo moita variedade de actividades: Bibliosuxestión lectora, Lectura compartida e creacións artísticas diversas (blackouts, caligramas e ilustracións de poemas coa súa lectura incorporada nun código qr). A continuación, mostrámosvos cada unha delas e deixámosvos algunha imaxe representativa: 

• LECTURA COMPARTIDA. 

A actividade de lectura compartida foi, nesta ocasión, de poemas en lingua galega e lingua castelá, tanto de autores e autoras clásicos coma os máis modernos e con temáticas moi actuais. A lectura compartíuse entre alumnado de 1º de ESO e o resto do centro, incluido profesorado. Tivemos presentadora, que foi introducindo cada poema, indicando a temática, o autor e a obra; e tivemos un grupo de lectores e lectoras, que, con moita delicadeza, declamaron cadanseu texto. Outro feito interesante nesta lectura compartida foi, por unha banda, o acompañamento de Enzo, un alumno de 4º de ESO, que tocou a guitarra para ambientar este evento, e por outra, a participación e axuda intestimable de Mar, a intérprete de signos, que este ano está no noso centro para acompañar a Miriam, a cal, por suposto, tamén interpretou como fin de festa, para todos e todas o poema "¿Qué es poesía?", de Gustavo Adolfo Bécquer. 

Un dos momentos máis bonitos do recital:
cando Miriam recitou en lingua de signos "¿Qué es poesía?,
de Gustavo Adolfo Bécquer!!

• BLACKOUTS E CALIGRAMAS. 

Poesía e imaxe xúntanse nestes traballos de 1º de ESO...

• BIBLIOSUXESTIÓN LECTORA: