PROXECTO "A VOLTAS POR PONTEVEDRA" (ROTEIRO CULTURAL)

Grazas ao profesor Fernando, do Dpto. de Galego, e ao seu alumnado de 3º de PDC, levouse a cabo o seguinte PROXECTO EDUCATIVO, que conlevou varios tipos de actividade como vedes no seguinte cadro informativo. 

O resultado foron SETE ROTEIROS CULTURAIS por Pontevedra (xardíns, cruceiros, prazas, igrexas, etc.) todos eles ilustrativos, interesantes e moi amenos. 

Fixádevos! Podedes aproveitar os códigos QR para facer o roteiro vós mesmos/as...

CHARLA "Sexo? Boa idea!"

A charla foi impartida a alumnado da ESO pola relatora LLERENA PEROZO e tivo lugar grazas a coordinación do CIM (Centro de Información á Muller) de Pontevedra. 

Contabamos, previamente, coa publicación do libro desta autora, o cal foi distribuido entre todo o alumnado do centro.

DÍA DAS LETRAS GALEGAS E OBRADOIRO DE POESÍA

Este ano 2023, como xa sabedes, o Día das Letras Galegas está adicado a...

FRANCISCO FERNÁNDEZ DEL RIEGO. 

Francisco Fernández del Riego, bautizado cos nomes Francisco Jesús Benito Antonio, nado no lugar de Vilanova de Lourenzá (Lourenzá) o 7 de Janeiro de 1913 e finado en Vigo o 26 de novembro de 2010,  foi un intelectual e activista político galego. Escribiu cos pseudónimos de Adrián Solovio, Adrián Soutelo, Salvador Lorenzana, S. L., Cosme Barreiros, Ronsel e Alevín. Desenvolveu dende os anos 30 un traballo constante e recoñecido a prol da cultura galega que continuou até os seus últimos meses e que fixo del unha das personalidades máis destacadas de Galicia. Foi un dos principais artífices da editorial Galaxia e director xunto a Ramón Piñeiro da revista Grial nos seus primeiros cen números. Ensaísta e narrador, é autor dunha extensa obra centrada sobre todo na cultura e na literatura galega. Fernández del Riego pertence á xeración de intelectuais xurdidos arredor do Grupo Nós.

http://www.galix.org/2023/05/dia-das-letras-galegas-2023.html (Ligazóns de interese sobre o autor en Gálix)

A BIBLIOSUXESTIÓN LECTORA DA BIBLIOXÚN

NESTE DÍA DAS LETRAS GALEGAS É A SEGUINTE:

Expositor central con obras en galego

Obras sobre a vida e a obra de Fernández del Riego

... entre as obras expostas, o último libro de poesía,
premiado, de Ismael Ramos, Lixeiro!

... ala no fondo vemos a opera prima de Xacobe Medina,
Lembranzas dun mestre subversivo!

Moitas novidades deste ano: a biografía de María Casares,
A ladroa da biblioteca de Meirás ou O moucho voa, sobre filosofía!

En Historias para coñecermos Pontevedra
hai moitas narracións sobre a nosa vila!

Novidades co selo de "LECTURA FÁCIL" en galego!

A mitoloxía nunca faltou na nosa Biblioxún, xa o sabedes!
Tamén en galego!

As matemáticas e a física son fundamentais!!

Castelao, imprescindible!

Manuel Rivas, imprescindible!

Obras de temática LGTBI e textos teatrais!

Poesía en galego!

Novela xuvenil!

• Tamén recomendamos XOGOS!! Mirade en Instagram:  https://www.instagram.com/p/CsV5y2CtdJL/ 

• Por outra banda, e organizado polo Equipo de Dinamización da Lingua Galega, cuxo coordinador  tamén forma parte do Equipo de Biblioteca, organizouse un OBRADOIRO DE POESÍA EN GALEGO a cargo da profesora e escritora ORIANA MÉNDEZ, filla do insigne escritor José Luis Méndez Ferrín. O obradoiro estaba orientado ao alumnado de 4º de ESO e levouse a cabo, por suposto, entre libros, na biblioteca.

PLANETAS E SERES EXTRATERRESTRES no Parnasillo!

A profesora Blanca, membro do equipo de biblioteca, organizou unha exposición no Parnasillo cos traballos feitos polo alumnado de Bacharelato na materia de Técnicas Artísticas. O traballo está relacionado co tema eixo deste ano na biblioteca: "O espazo exterior: mundos por descubrir". Lembrade que tamén enlaza coa temática do grupo de Polos Creativos. 

Trátanse, por unha banda, duns collages que semellaban planetas e, por outra, duns seres extraterrestres feitos con material reciclado. 

Colgamos no Instagram dous vídeos que amosan o contido desta exposición:

https://www.instagram.com/p/Cr3JLteN8gB/

https://www.instagram.com/p/Cr3Jz8Vtbog/