TEMA EIXO PARA O CURSO 2025-26

 

ENQUISA DA BIBLIOTECA CURSO 2024-25

 

AVALIACIÓN DO FUNCIONAMENTO DA BIBLIOTECA. CURSO 2024-25.

TEMA EIXO DO ANO: 

"UN MUNDO DE ÁRBORES"

O carballo de Santa Margarita (Pontevedra): entre 500 e 800 anos!

ENQUISA PARA ALUMNADO: https://forms.gle/S8qjg4Pv3yzZ3vcv6

ENQUISA PARA PROFESORADO: https://forms.gle/Lc187hiwH5rkrBfy9

Xogando na biblioxún: o tempo que nunca é tempo morto...

 Hoxe non veu o profe, podemos ir xogar á biblioteca?

DÍA DAS LETRAS GALEGAS

As actividades durante a semana das LETRAS GALEGAS foron as seguintes:

• Bibliosuxestión lectora no estante central e nas "mesiñas" da Biblioxún.

• Proxección na biblioteca dos vídeos recollidos na páxina da Real Academia Galega "SE CANTO É PORQUE QUERO": https://academia.gal/letras-galegas/2025/cantareiras .

• Conferencia a cargo da profesora Noelia, de Lingua Galega, no Salón de Usos Múltiples, acerca da POESÍA POPULAR GALEGA e o papel das CANTAREIRAS na difusión da mesma.

• Exposición de instrumentos musicais galegos e vestimenta tradicional.

• Actuacións musicais de profesorado e alumnado, coa especial colaboración do grupo que este ano constituíu os "seráns da xunqueira", que servíu para pór de manifesto a importancia da literatura e a música popular como actividade de unión, colaboración e intercambio de experiencias positivas entre persoas, nestes tempos de enfrentamentos sociais.
  

• Marcapáxinas elaborados para a ocasión polo equipo da Biblioteca para levar como recordo a todo o alumnado e o profesorado que vivíu con nós esta especial celebración das nosas letras.
   

RADIO NA BIBLIO: VISITA DE ARTUR TRILLO ... "NON DRAMATICES... OU SI"

O luns 28 de abril veu visitarnos Artur Trillo, actor, director e autor teatral, fundador do grupo de teatro Talía,  e levou a cabo a segunda charla de formación para a RADIO NA BIBLIO, de novo relacionada co tema deste ano das Bibliotecas Escolares de Galicia ("Bibliotecas escolares, a escena!"), e esta vez titulada "Non dramatices! (Ou si!)".

Por motivos de espazo, levouse a cabo nunha aula do noso centro e non na biblioteca, e asistíu alumnado de 1º ESO D, do Proxecto Competencial.

Grazas, de novo ás profesoras Nazaré (Francés, Proxecto Competencial) e Mercedes (Galego) por facilitar a organización destas charlas. 

PINTANDO ÁRBORES NA TERRAZA DA BIBLIOXÚN!

Alumnado de 1º de Bacharelato, en plena actividade, amosa as súas artísticas creacións na TERRAZA DA BIBLIOXÚN. 

Estamos encantados/as de que a profesora Blanca e o seu alumnado participara no equipo da biblioteca, no desenvolvemento do tema eixo "UN MUNDO DE ÁRBORES" e dera vida ás paredes brancas da terraza, que, pouquiño a pouco, vai collendo cor para desfrute de toda a comunidade escolar. 

Noraboa, artistas!!

DÍA DO LIBRO

Este ano non houbo moito tempo para celebrarmos como tal o DÍA DO LIBRO, porque a Semana Santa caeu algo tarde, de todos o xeitos xa sabedes que os libros celebrámolos todos os días na nosa biblioteca e fomentamos a lectura por canto recuncho hai. 

Para celebralo, pois, recollimos obras de interese que reflexionaran e fomentaran o pracer e as vantaxes de ler, novelas sobre bibliotecas, librerías e mesmo animais lectores! 

As mesiñas cuquis da nosa Biblioxún enchéronse de libros e tamén deixamos un espazo en cada unha delas para recoller as vosas recomendacións lectoras...

Para finalizar, por suposto, no panel do Parnasillo manifestamos a nosa especial mención e recoñecemento ao PREMIO CERVANTES do 2024, ÁLVARO POMBO. 

Alá no fondo, unha colaboradora moi especial na bibloteca:
CARLOTA ÁLVAREZ, alumna que estivo este ano desenvolvendo
as prácticas do MÁSTER DE PROFESORADO no Departamento de Lingua Castelá.