CLUB DE LECTURA: XINCANA MATEMÁTICA!!

Hoxe a biblioteca acolleu a XINCANA MATEMÁTICA organizada pola responsable do CLUB DE LECTURA MATEMÁTICA, Sonia Freire. O resultado foron miolos esnaquizados, rompeduras de cabezas e sobre todo a satisfación de gañar un premio e o aplauso dos compañeiros e compañeiras nesta xornada de xogos tan especial. 

AVALIACIÓN BIBLIOTECA. CURSO 2023-24

Ilustración de João Vaz de Carvalho

SE ES ALUMNO/A DO IES A XUNQUEIRA I,  PREME NA LIGAZÓN DE ABAIXO

 E CUBRE A ENQUISA!

https://forms.gle/V2UfJdHbxLXWzYvu6

RESULTADOS: https://docs.google.com/forms/d/1laFjtQqwRbOxXND497gdYxc5A_Bs3Rd2Z3KNHtejlEk/viewanalytics

CLUB DE LECTURA FEMINISTA: Charla con Lola Varela.

Lola Varela, autora do libro Feminismo de proximidade, e antiga directora do centro, achegouse este xoves á biblioteca para falar de feminismos ao grupo de lectores do Club de Lectura feminista deste curso.

https://libreriaabrente.es/collections/vendors?q=Lola%20Varela 

A biblioteca ten o seu libro entre os andeis de temática feminista e estamos encantados de favorecer a xuntanza e a charla interxeracional sobre temas tan de actualidade coma este. 

SEMANA DAS LETRAS GALEGAS (17 DE MAIO)

Esta semana celebramos por fin AS LETRAS GALEGAS!! O 17 de maio é o día, e como é festivo, seguro que tedes algúns diíñas libres para ler!! 

Este ano está adicado a LUISA VILLALTA. Nas seguintes ligazóns podedes acceder a toda a información sobre a súa vida e a súa obra: 

• https://academia.gal/letras-galegas/2024/luisa-villalta/obra

• https://academia.gal/-/luisa-villalta-para-os-lectores-mais-novos?redirect=%2Fletras-galegas%2F2024%2Fluisa-villalta%2Fnovas 
  

• https://www.lingua.gal/letras-galegas?content=/Portal-Lingua/Contido/iniciativa/letras-galegas/contido_0062.html

• https://youtu.be/jk7lbY7JO5A?si=dj39uNUy34J5kM10
  

• https://primaveradasletras.gal
  

Este ano organizouse unha actividade interdisciplinaria entre o Departamento de Galego e o Departamento de Debuxo. Consistíu na elaboración de collages (por parte dun grupo de 1º de ESO) e ilustracións (por parte do resto de grupos de 1º) que teñen como inspiración versos de poetas e poetisas galegas, homenaxeados polo Día das Letras Galegas, entre elas tamén versos de Luisa Villalta, a homenaxeada deste ano. 

Para isto, o Dpto. de Lingua galega cede 2-3 sesións para propoñer unha listaxe de poetas e a busca dos textos máis inspiradores, e posteriormente avanzar o traballo pautado pola profesora de Debuxo. O Dpto. de Plástica encárgase das pautas esenciais da parte artística (deseño, técnicas, etc.) coas sesións correspondentes, de guiar a aquel alumnado máis indeciso na escolla dos textos e de asesorar ao alumnado coas técnicas que se van utilizar para as láminas.

O produto final desta actividade é unha exposición no Parnasillo dos traballos do alumnado. 

Finalmente, e como non pode ser doutro xeito, na BIBLIOXÚN temos moitiísimas recomendacións lectoras (BIBLIOSUXESTIÓNS) para vós, para que sexades quen de gozar da lingua galega, da lingua da que estamos tan orgullosos, porque reflexa todo de nós e somos nós grazas a ela. FALEMOS GALEGO todo o posible e LEAMOS SEMPRE... Na Biblioxún temos literatura en galego (poesía, teatro e narrativa), temos obras co selo de "Lectura fácil", tamén ensaios humanísticos, lingüísticos, científicos... De todo!!