Desde o martes 19 ata o xoves 21, alumnado de 3º de ESO participou na organización dos ALMORZOS SAUDABLES proxecto que consistíu por unha parte na exposición de traballos sobre alimentación no proxector da biblioteca, e por outra, na posta en práctica destes almorzos saudables na cafetería do centro.
Na nosa biblioteca celebramos o DÍA INTERNACIONAL DO CÓMIC cunha BIBLIOSUXESTIÓN LECTORA especial de NOVIDADES!!
Cómics premiados, autores recoñecidísimos e temas moi suxestivos!!
Na BIBLIOXÚN temos estes días a urna para a participación no deseño da cristaleira de POLOS CREATIVOS, con quen xa sabedes que compartimos espazo, O Parnasillo!!
Todos os anos, dentro do SALÓN DO LIBRO de Pontevedra (este ano entre o 1 e o 17 de marzo) celébrase a TROCA DE LIBROS, evento organizado polo IES Torrente Ballester, de Pontevedra, e no que poden participar as ANPAS e os centros que queiran.
Trátase de que os rapaces e rapazas traian libros, que serán cambiados por vales, que logo levarán á troca para escoller os libros correspondentes segundo os vales que teñan. Xúntase moitísima rapazada e de verdade que gozan desta actividade observando o que cada centro ofrece nos seus postos e pensando que poderán levar para seguir gozando coa lectura en cadansúa casa.
Nós non podiamos perdernos estar aquí neste marabilloso evento cultural imprescindible nestas datas.
