RADIO NA BIBLIO: VISITA DE ARTUR TRILLO ... "NON DRAMATICES... OU SI"

O luns 28 de abril veu visitarnos Artur Trillo, actor, director e autor teatral, fundador do grupo de teatro Talía,  e levou a cabo a segunda charla de formación para a RADIO NA BIBLIO, de novo relacionada co tema deste ano das Bibliotecas Escolares de Galicia ("Bibliotecas escolares, a escena!"), e esta vez titulada "Non dramatices! (Ou si!)".

Por motivos de espazo, levouse a cabo nunha aula do noso centro e non na biblioteca, e asistíu alumnado de 1º ESO D, do Proxecto Competencial.

Grazas, de novo ás profesoras Nazaré (Francés, Proxecto Competencial) e Mercedes (Galego) por facilitar a organización destas charlas. 

PINTANDO ÁRBORES NA TERRAZA DA BIBLIOXÚN!

Alumnado de 1º de Bacharelato, en plena actividade, amosa as súas artísticas creacións na TERRAZA DA BIBLIOXÚN. 

Estamos encantados/as de que a profesora Blanca e o seu alumnado participara no equipo da biblioteca, no desenvolvemento do tema eixo "UN MUNDO DE ÁRBORES" e dera vida ás paredes brancas da terraza, que, pouquiño a pouco, vai collendo cor para desfrute de toda a comunidade escolar. 

Noraboa, artistas!!

DÍA DO LIBRO

Este ano non houbo moito tempo para celebrarmos como tal o DÍA DO LIBRO, porque a Semana Santa caeu algo tarde, de todos o xeitos xa sabedes que os libros celebrámolos todos os días na nosa biblioteca e fomentamos a lectura por canto recuncho hai. 

Para celebralo, pois, recollimos obras de interese que reflexionaran e fomentaran o pracer e as vantaxes de ler, novelas sobre bibliotecas, librerías e mesmo animais lectores! 

As mesiñas cuquis da nosa Biblioxún enchéronse de libros e tamén deixamos un espazo en cada unha delas para recoller as vosas recomendacións lectoras...

Para finalizar, por suposto, no panel do Parnasillo manifestamos a nosa especial mención e recoñecemento ao PREMIO CERVANTES do 2024, ÁLVARO POMBO. 

Alá no fondo, unha colaboradora moi especial na bibloteca:
CARLOTA ÁLVAREZ, alumna que estivo este ano desenvolvendo
as prácticas do MÁSTER DE PROFESORADO no Departamento de Lingua Castelá.

O TENDAL DOS ANIVERSARIOS

Coma todos os anos, na nosa Biblioxún, tendemos a roupa e penduramos do tendal as imaxes dalgúns autores e autoras que este ano 2025 celebran o seu aniversario de nacemento ou falecemento. 

Con tal motivo, podedes ler poemas ou fragmentos narrativos que teñen que ver coas árbores, buscando a relación co tema eixo deste ano na biblioteca, "UN MUNDO DE ÁRBORES". 

Podedes ver un vídeo nesta ligazón de Instagram: https://www.instagram.com/p/DI5vz4WMoNu/ 

Resolución do concurso V XOGOS FLORAIS DO IES A XUNQUEIRA I

Este ano xa sabedes que o tema do concurso para o DÍA DA POESÍA (21 de marzo) era 

A ÁRBORE COMO MOTIVO POÉTICO, 

relacionado co tema eixo deste ano na Biblioteca, 

"Un mundo de árbores".

Así pois,  presentáronse bastantes poemas, 

os cales amosaban unha grande sensibilidade con respecto ás árbores, 

á natureza en xeral,

ou mesmo empregaban as partes da árbore 

como alegorías da propia vida. 

Moi intresantes todas as versións!

De todas elas, o equipo da biblioteca escolleu 

3 gañadores, 

que a continuación se indican: