A publicidade na materia de Francés

Como se intercalou o tema eixo deste ano na biblioteca, PUBLICIDADE E COMUNICACIÓN, na materia de Francés? 

A profesora Carlota contouno desta maneira:

1º ESO:

"Maison du monde, soyez fous, soyez vous!":

Esta actividade pensouse para introducir o vocabulario das cores. O alumnado tivo que buscar as cores que aparecían na publicidade e logo atopar a súa tradución en francés na pizarra ou co traductor nos ordenadores.

"Poisson d'avril":

O "Poisson d'avril", como o "Pesce d'aprile" ou o "April Fool's Day", pódese traducir como o día das bromas de abril ou o día dos inocentes de abril, e é un día, o 1 de abril, adicado ás bromas. Celébrase en Polonia, Francia, Finlandia, Austria, Australia, Alemania, Italia, Bélgica, Reino Unido, e por tradición británica tamén en Menorca, Galicia, etc. 

O traballo na aula, relacionado con esta celebración, consistíu en proxectar dúas publicidades, neste caso de Lego e Pringles, con productos inventados, ao xeito da imaxe que segue:

A partir destas publicidades, o alumnado creou novos obxectos de clase cunhas funcións diferentes.

2º ESO:

"Mixité des métiers","Mix´sPics":

Aproveitouse a publicidade de televisión para falar das profesións e da paridade no traballo.

"Comme une fille": 

No Día da muller e a partir do seguinte vídeo (https://youtu.be/Fu_FyaIGhyQ) fixeron unha comparativa sobre que é ser como un rapaz e que é ser como unha rapaza.

"Piso alquilado no centro de París":

A partir da seguinte ligazón (ikea.fr) o alumnado buscou, cun presuposto, amoblar o piso alquilado no centro de París (aloueravendre.fr).

"A moda, a roupa":

O alumnado escolleu a páxina que prefería (sempre acabada en .fr) e por parellas falaron dunha tendencia de moda deste verán. 

"O concepto de venda":

Traballouse con dúas publicidades de máquinas de lavar e o seu concepto de venda.